27 қаңтар күні елордада өтетін маңызды шаралар аңдатпасы

АСТАНА. ҚазАқпарат – «ҚазАқпарат» халықаралық ақпарат агенттігі 27 қаңтар күні Астанада өтетін мәдени және қоғамдық маңызды шаралар аңдатпасын ұсынады.

10.00-де «BI Group» бас кеңсесінде интернат түріндегі балалар мекемелерін трансформациялау мәселесі бойынша кеңес отырысы өтеді. Онда Ақмола облысының Ақкөл қаласындағы балалар үйін балаларға қолдау көрсету орталығына айналдыру жұмыстарының аралық қорытындысы талқыланады.

11.00-де Бурабайда Мәдениет және спорт министрлігінің Туризм индустриясы мәселелері жөніндегі көшпелі кеңейтілген алқа отырысы өтеді. Отырысқа Президент Әкімшілігінің, Парламент пен Үкімет өкілдері, Министрліктің Қоғамдық кеңесінің мүшелері, жергілікті атқарушы органдардың, «Атамекен» ҰКП, бизнес қоғамдастықтың, «Kazakh Tourism ҰК» АҚ өкілдері, қоғам қайраткерлері және т.б. қатысады.

12.00-де ҚР Президенті жанындағы Орталық коммуникациялар қызметінде «Әкімшілік заңнаманы жетілдіру тәсілдері туралы» баспасөз мәслихаты өтеді. Спикер: Әділет вице-министрі Алма Мұқанова. Көрсетілім сілтемелері: https://www.youtube.com/user/ortcomkz, https://ru-ru.facebook.com/ortcomkz

14.30-да «Wyndham Garden Astana» қонақ үйінде ҚР Кәсіподақтар федерациясының ұйымдастыруымен «Жаңа қоғамдық келісім: әділетті еңбек қатынастары» атты әлеуметтік әріптестердің форумы өтеді. Форум Әлеуметтік әріптестік жылы аясында өткен 2022 жылдың қорытындысына арналған.

15.00-де ҚР Президенті жанындағы Орталық коммуникациялар қызметінде «Мерзімді әскери қызмет өткерген азаматтарға білім беру саласындағы жеңілдіктер» баспасөз мәслихаты өтеді. Спикерлер: Қорғаныс министрінің кеңесшісі Айгүл Нұралықызы Төлембаева; ҚМ білім және ғылым департаменті бастығының орынбасары, полковник Бегім Нұржанұлы Нұрмаханов; ҚМ БАҚ-пен жұмыс жөніндегі басқармасының бастығы, подполковник Руслан Тұрғымбайұлы Жангулин. Көрсетілім сілтемелері: https://www.youtube.com/user/ortcomkz, https://ru-ru.facebook.com/ortcomkz

15.00-де Астана қаласының коммуникациялар қызметінде «Асқазан ауруларының алдын алу» тақырыбында баспасөз мәслихаты өтеді.

15.00-де Ұлттық музейде «ҚР Ұлттық музейінің ғылыми-зерттеу жұмыстары: басым бағыттары және нәтижелері» атты дөңгелек үстел өтеді.

19.00-де Астана Балет театрында «Золушка» балеті көрсетіледі.

19.00-де Жас көрермендердің музыкалық театрында «Ғашық жүрек» музыкалық-поэтикалық қойылымы өтеді.

19.00-де Номад Сити Холл театрында «Жас Абай» драмасы қойылады.

19.30-да Барыс-Арена мұз сарайында «Барыс» және ресейлік «Трактор» хоккей клубтары кездесу өткізеді.