28 ақпан күні елордада өтетін маңызды шаралар аңдатпасы
10.00-де Үкімет үйінде кезекті Үкімет отырысы өтеді. Күн тәртібінде орталық және жергілікті атқарушы органдардың 2023 жылғы су тасқыны кезеңіне дайындығы және халыққа онкологиялық көмек көрсету тақырыптары қаралады.
11.00-де «Астана қаласы коммуникациялар қызметінде «2022 жыл қорытындысы бойынша жұмыспен қамту туралы. 2023 жылға арналған жоспарлар» тақырыбында онлайн брифинг өтеді. Спикерлер: «Астана қаласының Жұмыспен қамту және әлеуметтік қорғау басқармасы» ММ басшысының орынбасары Ерлан Жүсіпов, «Астана қаласы әкімдігінің Жұмыспен қамту орталығы» КММ директорының орынбасары Сәбит Жаманбаев. Онлайн баспасөз-конференциясы «Астана қаласы коммуникациялар қызметінің» Facеbook-тегі https://www.facebook.com/rsk.astana01 және Instagram-дағы https://instagram.com/rsk.astana?igshid=YmMyMTA2M2Y= ресми парақшаларында тікелей эфирде өтеді.
11.00-де Ramada by Wyndham қонақ үйінде «Еркіндік қанаты» (Қазақстан) және Free Press for Eastern Europe (Чехия) қоғамдық қорлары Еуропалық Одақ қаржыландыратын қазақстандық құқық қорғаушылар мен белсенділерге арналған «Өзгеріс көшбасшылары» жобасының баспасөз мәслихатын өткізеді.
12.00-де ҚР Президенті жанындағы Орталық коммуникациялар қызметінде «Жеке тұлғалардың банкроттығы туралы» баспасөз мәслихаты өтеді. Спикерлер: ҚР Қаржы вице-министрі Біржанов Ержан Ерікұлы; ҚР Қаржы министрлігі Мемлекеттік кірістер комитеті төрағасының орынбасары Миятов Қайрат Исатайұлы; «Қазақстанның қаржы мәдениеті» қоғамдық қорының бас директоры Ли Юрий Виссарионович; М.Нәрікбаев атындағы КАЗГЮУ университетінің оқытушы профессоры Бабаджанян Естер Левоновна; Банк мәселелері жөніндегі тәуелсіз сарапшы, қоғам қайраткері Биякаев Нұржан Темірғалиұлы; Қазақстан қаржыгерлер қауымдастығының басқарушы директоры Рахимов Назар Тастемірұлы (ZOOM арқылы); Тәуелсіз қаржылық талдаушы Чеботарёв Андрей Александрович (ZOOM арқылы). Көрсетілім сілтемелері: https://www.youtube.com/user/ortcomkz, https://ru-ru.facebook.com/ortcomkz.
15.00-де ҚР Президенті жанындағы Орталық коммуникациялар қызметінде «Агроөнеркәсіптік кешенді цифрландыру» атты баспасөз мәслихаты өтеді. Спикерлер: ҚР Ауыл шаруашылығы вице-министрі Бағлан Бекбауов; ҚР АШМ Мемлекеттік қызметтерді дамыту және агроөнеркәсіптік кешенді цифрландыру департаментінің директоры Бернат Алпысбеков. Көрсетілім сілтемелері: https://www.youtube.com/user/ortcomkz, https://ru-ru.facebook.com/ortcomkz
16.00-де ҚР Қарулы күштерінің Ұлттық әскери-патриоттық орталығында «Отан деп соққан жүректер» атты патриоттық әндер кеші өтеді.
17.30-да «Астана Опера» театрында П. Чайковскийдің «Иоланта» операсының премьерасы туралы баспасөзге сұхбат беріледі.
19.00-де Жастар театрында Талаптан Ахметжанның «Таптым. Ғашық болдым. Жоғалттым» мюзиклі қойылады.
19.00-де «Наз» мемлекеттік би театрында «Әзімнің әңгімесі» хореографиялық спектаклі қойылады.