28 желтоқсанда Нұр-Сұлтан мен Шымкент қалаларында ауа сапасы нашарлайды

НҰР-СҰЛТАН. ҚазАқпарат - Сенбі күні Қазақстанның екі қаласында ауа сапасының ластануы күтіледі, деп хабарлайды ҚазАқпарат Қазгидрометке сілтеме жасап.

28 желтоқсанда Нұр-Сұлтан мен Шымкент қалаларында ауа сапасының ластануы күтіледі.

Синоптиктердің болжамынша, Ақтөбе, Алматы, Қарағанды, Балқаш, Тараз, Теміртау және Өскемен қалаларында жағымды метеорологиялық жағдай қалыптасады.

Қолайсыз метеорологиялық жағдайлар - атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.

ҚМЖ жағдайында елді мекендердегі атмосфералық ауаның сапасы нашарлауы ықтимал.