29 ақпан. Жылнама
Kazinform оқырман назарына 29 ақпанға арналған атаулы күндер мен есте қалар оқиғалар күнтізбесін ұсынады.
АТАУЛЫ КҮНДЕР
Халықаралық сирек кездесетін аурулар күні
EURORDIS сирек кездесетін ауруларды зерделеу бойынша еуропалық ұйымның бастамасымен жылдағы ең сирек ай — 29 ақпан — халықаралық сирек кездесетін аурулар күні мәртебесін ресми түрде алды. Жыл 28 -не аяқталса, сол күні атап өтіледі. Оның мақсаты — жұртшылық назарын сирек кездесетін аурумен ауыратын адамдардың пробемасына аудару, олардың өміріне ықпал ету.
ЕСТЕ ҚАЛАР ОҚИҒАЛАР
1992 жылы Қазақстандағы «Комсомолмұнай» ұжымы «Маңғышлақмұнай» бірлестігінен шығып, жеке акционерлік мекеме болуды талап етті.
1992 жылы ҚР Әділет министрлігінде қазақстандық кәсіпкерлер ассоциациясы тіркелді. Ассоциацияның мақсаты — кәсіпкерлердің заңды, ұйымдасқан және экономикалық құқықтарын қорғап, еркін шаруашылық жүргізуге қажетті жағдай жасау.
1992 жылы Ташкент қаласындағы Халықтар достығы сарайында Қазақстан мен Өзбекстан ақындарының айтысы өтті. Айтыстың бас жүлдесі Қазақстан ақыны Әсия Беркеноваға берілді.
2008 жылы Петропавлдағы мұражай кешеніне Абылай хан кезеңіндегі Құран сыйға тартылды. Құранды мұражайға қалалық мешіттің бірінің молдасы Қуаныш Беркімбаев берген. Араб тіліндегі қасиетті басылым Қызылжар ауданында молда болған, облыстағы ауылдардың бірінде тұратын екі ағайындыда сақталған. Кейінірек жәдігерді ағайындының бірі — Беркімбаевтың күйеу баласы оған сыйлады. Мамандар кітаптың Абылай хан билігі кезінде, яғни шамамен 1740-1780 жылдары шығарылғанын анықтады. Қасиетті кітаптың мұқабасы қымбат былғарыдан жасалған.
2008 жылы ҚР Ауыл шаруашылығы министрлігінің № 113 бұйрығы негізінде «ҚазАгро» ұлттық холдингі корпоративтік басқару кодексі бекітілді. Кодекстің мақсаты Ұлттық холдингтің корпоративтік басқаруын жетілдіру және жүйелеу, ұлттық холдингті басқарудың барынша ашықтығын қамтамасыз ету және холдингтің тиісті корпоративтік басқару стандарттарын ұстануға әзірлігін растау.
2012 жылы Бас әскери прокуратурада экстремизмге қарсы күрес бөлімі құрылды.
2016 жылы ҚР Ұлттық мұражайында «Тағдыр тоғыстырған» деректі көрмесі ұсынылды. Келушілердің назарына Қазақстан халқы Ассамблеясын құру, ұлтаралық қатынастар және этномәдени құрылымдар туралы құжаттар, жаппай саяси қуғын-сүргін құрбандарын ақтау мәселелері бойынша хаттар, 1936-1949 жылдары Қазақстанға қоныс аударған Солтүстік Кавказ халықтары (шешендер, ингуштар, балқарлар), қырым татарлары, кәрістер, гректер, немістер, украиндар, литвалықтар, латыштар, эстондықтар, әзірбайжандар, армяндар, сондай-ақ қуғын-сүргінге ұшыраған христиан дін қызметшілерінің жеке істері ұсынылды.
Бүкіл мұрағаттық-құжаттық кешен жалпыұлттық бірлікті нығайту бойынша мемлекет саясатын көрсету, сталинизм жылдары түрлі ұлт өкілдерін паналатқан қазақ халқына олардың алғысын және құрметін көрсету үшін құрылған.
2020 жылы Қазақстан мұсылмандары діни басқармасы COVID-19 коронавирусына қатысты мәлімдеме жасады. Бүгінде вирустың жаңа түрі, яғни коронавирустың таралуы және инфекцияны жұқтырғандар санының артуы барлық елдерге үлкен қауіп төндіріп отыр. Халықаралық БАҚ хабарлауынша, көптеген мемлекеттер шекараларын жауып, коронавирустың таралуын болдырмау үшін барлық шаралар қабылдады.
2020 жылы жамбылдықтар «Көне Тараз» тарихи-этномәдени кешенінің алаңында Алғыс күнін атап өтті. Азаматтар көпұлтты Таразда нағыз достық шеңберін құрды. Импровизацияланған шатырларда этномәдени орталықтардың өкілдері оларды аспаздық тәттілерден дәм татты, ал кейбіреулері тіпті музыкалық сүйемелдеу де жасады. Достық шеңберін ет-сүт өнімдерін, бал мен жеміс-жидектерді тарту еткен жергілікті кәсіпкерлер жалғастырды.
