29 қарашада Қазақстанның басым бөлігінде қарлы бұрқасын, тұман, көктайғақ болады деп күтілуде
АСТАНА. 28 қараша. ҚазАқпарат - ҚР Қоршаған ортаны қорғау министрлігі «Қазгидромет» РМК-нің болжамынша, 29 қарашада Қазақстанның басым бөлігінде циклон ықпалы және онымен байланысты ауа ағындары әсер етіп, кей жерлерде жауын-шашын жауып, қарлы бұрқасын, тұман және көктайғақ болады деп күтілуде.
Жамбыл, Оңтүстік Қазақстан, Қызылорда облыстарында кей жерлерде тұман түсіп, көктайғақ орнайды, желдің екпіні 15-20 м/с-қа дейін күшейеді. Жамбыл облысында 25 м/с дейін жылдамдықпен жел соғады деп күтілуде.
Алматы облысының жекелеген аудандарында 15-20 м/с жылдамдықпен жел соғады.
Қостанай, Солтүстік Қазақстан, Ақмола, Шығыс Қазақстан облыстарында, күндіз Павлодар, Қарағанды облыстарында қарлы бұрқасын болып, желдің жылдамдығы 15-20 м/с-қа дейін күшейеді.
Атырау облысы, таңертең Маңғыстауда тұман түседі деп күтілуде.
Батыс Қазақстан облысының бірқатар аймақтарында көктайғақ орнайды.
Алдағы тәулікте елдің солтүстік, орталық, шығысындағы сулы нысандарында және республиканың оңтүстік-шығысындағы жекелеген өзендерде мұз қату жалғасады. Соған байланысты елдің оңтүстік-шығыс және шығысындағы таулы өзендерде су деңгейінің ауытқушылығы байқалады.
