29 қыркүйек күні Қазақстандағы метеожағдай қандай болады
АCТАНА. ҚазАқпарат - Қыркүйектің 29-ы күнгі метеорологиялық жағдай үш қаланың атмосферасында ластаушы заттардың шоғырлануына ықпал етеді, деп хабарлайды ҚазАқпарат «Қазгидромет» РМК-на сілтеме жасап.
Синоптиктердің ақпараттарына қарағанда, Қарағанды, Балқаш және Теміртау қалаларында жайсыз метеожағдай сақталады.
Қолайсыз метеорологиялық жағдайлар - атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық, жеңіл жел, тұман, инверсия) жиынтығы.
ҚМЖ жағдайында елді мекендердегі атмосфералық ауаның сапасы нашарлауы ықтимал.
