29 қыркүйек күні республиканың кей аймақтарында жаңбыр жауады

АСТАНА. ҚазАқпарат - 29 қыркүйек күні Қазақстанның көптеген бөліктерінде ауа райы жауын-шашынсыз болады. Республиканың солтүстігінің кей жерлерінде жаңбыр жауады, оңтүстік-шығысының таулы аймақтарында жауын-шашын болып, кей жерлерінде тұман, екпінді жел болады, оңтүстігінің кей жерлерінде шаңды дауыл көтеріледі.

Бұл туралы Қазгидромет хабарлады.

Жамбыл облысының кей жерлерінде жел 18-23 м/с күшейеді, түнде және таңертең кей жерлерінде тұман күтіледі. Оңтүстік Қазақстан облысының кей жерлерінде жел 15-20, екпіні 23-28 м/с күшейеді. Қызылорда облысының кей жерлерінде жел шаңды дауылмен 15-20 м/с күшейеді. Күндіз Маңғыстау, Атырау облыстарының кей жерлерінде жел 15-20 м/с күшейеді. Солтүстік Қазақстан облысының кей жерлерінде тұман күтіледі, күндіз жел 15-20 м/с күшейеді. Шығыс Қазақстан облысында, түнде және таңертен Ақмола, Қарағанды, Алматы облыстарының кей жерлерінде тұман күтіледі.

Түнде Алматы, Жамбыл, Оңтүстік Қазақстан, Қызылорда облыстарының кей жерлерінде 1-3 градусқа дейін күн суытады.

Қызылорда облысында, Оңтүстік Қазақстан, Батыс Қазақстан, Қарағанды, Қостанай, Ақтөбе облыстарының кей жерлерінде өте жоғары өрт қаупі сақталады.