3 қалада қолайсыз метеожағдай күтіледі
НҰР-СҰЛТАН. ҚазАқпарат – «Қазгидромет» РМК 20 желтоқсанда еліміз қалаларында қалыптасатын метеорологиялық ахуал туралы мәлімет ұсынды, деп хабарлайды ҚазАқпарат.
Синоптиктер мәліметінше, дүйсенбі күні ауа сапасы Алматы, Балқаш және Ақтау қалаларында нашарлайды.
Өзге шаһарларда метеожағдай норма шегінде болады.
Қолайсыз метеорологиялық жағдайлар - атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
ҚМЖ жағдайында елді мекендердегі атмосфералық ауаның сапасы нашарлауы ықтимал.
