3 қаңтарда Қазақстанның төрт қаласында ауа сапасы нашарлайды
АСТАНА. ҚазАқпарат - Сәрсенбі, 3 қаңтар күні метеорологиялық жағдай еліміздің төрт қаласында атмосферада ластаушы заттардың шоғырлануына ықпал етеді, деп хабарлайды ҚазАқпарат.
«Қазгидромет» РМК-ның мәліметінше, Көкшетау, Өскемен қалаларында ауа сапасының нашарлайтыны күтіледі. Сондай-ақ күндіз Талдықорғанда, Қарағандыда жағымсыз метеожағдайлар сақталады.
Қолайсыз метеорологиялық жағдайлар - атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы. ҚМЖ жағдайында елді мекендердегі атмосфералық ауаның сапасы нашарлауы ықтимал.
