3 мамырға арналған ауа райы болжамы
АСТАНА. 3 мамыр. ҚазАқпарат - Бүгін еліміздің шығыс аймағы атмосфералық ағымдардың ықпалында болады, онымен ауа райының тұрақсыз сипаты күтіледі.
Кей жерлерде жаңбыр жауады, жел күшейіп, найзағай ойнады.
Ал батыс өңірлерге антициклонның тарамдары әсер етіп, күн жауын-шашынсыз болады деп күтілуде. Бұл туралы Қазгидрометке сілтеме жасап, ТЖМ-нің баспасөз қызметінен хабарлады.
Атап айтқанда, Қостанай облысында желдің екпіні секундына 15-20 метрге, кей жерлерде 23 метрге күшейіп, таңертең және кешке тұман тұрады.
Ақмола, Солтүстік Қазақстан, Павлодар, Қарағанды, Шығыс Қазақстан, күндіз Жамбыл облысының кей жерлерінде желдің жылдамдығы 15-20 м/с-қа дейін күшейеді.
Жақын тәуліктерде республиканың оңтүстік, оңтүстік-шығыс және шығысындағы тау маңы өзендерінде су көлемінің ауытқуы байқалады. Жайық және СҚО аумағындағы Есіл өзендерінде және Еділ өзенінің атырауында көктемгі су тасқыны толқынының біртіндеп дамуы жалғасады.
