3 наурыз күні елордада өтетін маңызды шаралар аңдатпасы
11.00-де ҚР Қарулы Күштерінің Ұлттық әскери-патриоттық орталығында ҚР ҚК Ұлттық әскери-патриоттық орталығы мен «Әскери-патриоттық және іздестіру қозғалысы қауымдастығы» республикалық қоғамдық бірлестігі арасында өзара ынтымақтастық туралы Меморандумға қол қойылады.
11.00-де ҚР Ұлттық архивінде Халықаралық әйелдер күні мерекесіне орай жазушы, драматург, профессор, Қазақстан Республикасының еңбек сіңірген қайраткері Роза Мұқанованың, танымал театр және кино артисі, Қазақстан Республикасының еңбек сіңірген қайраткері, Қазақ Ұлттық Өнер университетінің профессоры Ләйлә Бекназардың және Биологиялық қауіпсіздік саласындағы көрнекті ғалым, биология ғылымдарының докторы, профессор, академик Күнсұлу Закарияның жеке қорларын Ұлттық архив қорына қабылдау салтанатына арналған «Әйелдің әсем әлемі» мерекелік шарасы өтеді.
11.00-де Астана қаласының Коммуникациялар қызметінде «Елордада су тасқынына қарсы жүргізіліп жатқан жұмыстар туралы» тақырыбында онлайн брифинг өтеді. Спикер: Астана қаласы ТЖД бастығының орынбасары Дастан Алдабеков. Онлайн баспасөз конференциясы «Астана қаласы коммуникациялар қызметінің» Facеbook-тегі https://www.facebook.com/rsk.astana01 және Instagram-дағы https://instagram.com/rsk.astana?igshid=YmMyMTA2M2Y= ресми парақшаларында тікелей эфирде өтеді.
14.00-де ҚР Ұлттық академиялық кітапханасында 8 наурыз – Халықаралық әйелдер күніне орай «Нәзік әлем» атты кездесу кеші өтеді.
16.00-де ҚР Ұлттық музейінде белгілі зергер, педагог, реставратор, Қазақстан Суретшілер Одағының мүшесі, «ЮНЕСКО-ның сапа белгісі» сертификатының иегері, коллекционер Сержан Баширов пен оның ізбасарларының «Текті өнердің шеңбері» көрмесі өтеді.
16.30-да елорданың МИБ орталығында тұрғын үй қатынастары және көппәтерлі тұрғын үйлерді басқару мәселелері бойынша кездесу өтеді.
19.00-де «QAZAQSTAN» орталық концерт залында «Роза Бағланова атындағы «Қазақконцерт» мемлекеттік концерттік ұйымы Қазақ мемлекеттік симфониялық оркестрі «Портреты композиторов» атты классикалық музыка кешін өткізеді. Музыкалық кеште көрермендер үшін әлемге танымал скрипкашы Зюй Буй Конг (Вьетнам) өнер көрсетеді. Оркестрге Томас Зандерлинг (Ұлыбритания) дирижерлік етеді.
19.00-де Астана қаласы филармониясының концерт залында «Анаға сәлем» концерті өтеді.
19.00-де Астана Балет театрында «Махаббат туралы аңыз» балеті көрсетіледі.
19.00-де Жас көрермендердің музыкалық театрында «Гауһартас» музыкалық драмасы қойылады.
19.00-де Жастар театрында «Реквием» мюзиклі көрсетіледі.