30 қазанда Қазақстанда өтетін маңызды шаралар аңдатпасы

АСТАНА. KAZINFORM - Kazinform халықаралық ақпарат агенттігі 30 қазанда Қазақстанда өтетін маңызды шаралар аңдатпасын ұсынады.

АСТАНА

10:00-де ҚР Парламенті Мәжілісінің отырысы басталады.

10:00-де Қазақстан Республикасында техникалық тапсырыс беруші институтын енгізу және құрылыс саласында өзін-өзі реттеуді дамытуға арналған халықаралық конференция өтеді.

14:30-да ҚР Президенті жанындағы Орталық коммуникациялар қызметінде «Таза Қазақстан» экологиялық мәдениетін дамыту тұжырымдамасын бекіту атты баспасөз мәслихаты өтеді.

15:00-де Астана қаласының Қоғамдық кеңесі «Жаңа құқықтық нормалар жағдайындағы азаматтық қоғам мен медианың рөлі» тақырыбында диалог алаңын ұйымдастырады.

15:00-де ҚР Президенті Іс басқармасының Президенттік орталығында Үндістанның Бихар қаласындағы (Бихар штаты) Бихар мұражайының қорынан «Адамзат, ескерткіштер және табиғат туралы триптих» атты халықаралық көрмесі ашылады.

15:00-де ҚР Ішкі істер министрінің орынбасары – Ұлттық ұлан Бас қолбасшысының жүлдесіне арналған Ұлттық ұлан әскери музыканттарының (үрмелі және соқпалы аспаптар орындаушылары) І байқауы басталады.

19:00-де «Астана Опера» театрында әлемге әйгілі скрипкашы-виртуоз, Қазақстанның қайырымдылық елшісі Марат Бисенғалиевтің кең ауқымды «Симфониялық концерті» өтеді.