31 қазанда Қазақстанда өтетін маңызды шаралар аңдатпасы

АСТАНА. KAZINFORM - Kazinform халықаралық ақпарат агенттігі 31 қазанда Қазақстанда өтетін маңызды шаралар аңдатпасын ұсынады.

АСТАНА

10:00-де ҚР Парламенті Сенатының отырысы өтеді.

11:00-де «Артем» сауда орталығы аумағында «AMANAT» партиясының Астана қалалық филиалы жанындағы Өңірлік даму кеңесі мүшелерінің көшпелі отырысы өтеді.

11:00-де ҚР Әділет министрлігінің баспасөз конференциясы өтеді.

11:00-де ҚР Ұлттық музейінде көрнекті ақын, мемлекет қайраткері Сәкен Сейфуллиннің туғанына 130 жыл толуына орай «Ақын, ұлт қайраткері – Сәкен Сейфуллин» тақырыбында әдеби-музыкалық кеш өтеді.

11:30-да ҚР Президенті жанындағы Орталық коммуникациялар қызметінде «Инклюзивті саясат тұжырымдамасы жобасы туралы» баспасөз конференциясы өтеді.

14:30-да ҚР Президенті жанындағы Орталық коммуникациялар қызметінде «Республикалық маңызы бар автожолдардың қысқы күтімі туралы» баспасөз конференциясы өтеді.