31 желтоқсанға арналған ауа райы болжамы
НҰР-СҰЛТАН. ҚазАқпарат – Қазгидромет 31 желтоқсанға арналған ауа райы болжамын жариялады, деп хабарлайды ҚазАқпарат.
Атмосфералық ауа ағындардың өтуіне байланысты республиканың солтүстігінде, орталығында және шығысында қар жауады.
Қазақстанның қалған аумақтарында жауын-шашынсыз ауа райы сақталады. Республиканың кей жерлерінде тұман, бұрқасын, желдің күшеюі күтіледі.
Шығыс Қазақстан облысының кей жерлерінде тұман, бұрқасын күтіледі, жел 15-20 м/с күшейеді.
Қарағанды облысының кей жерлерінде тұман, жаяу бұрқасын күтіледі.
Маңғыстау облысының кей жерлерінде күндіз жел 15-20 м/с жылдамдықпен соғады.
Ақмола, Алматы, Жамбыл, Түркістан, Қызылорда, Атырау, Батыс Қазақстан, Ақтобе, Қостанай, Солтүстік Қазақстан, Павлодар облыстарының кей жерлерінде тұман түседі.
Түнде Алматы облысының солтүстігінде қатты аяз күтіледі.
