37 миллион теңгені құрайтын 110 мың дана контрафактілік өнім тәркіленді

АСТАНА. Қыркүйектің 30-ы. ҚазАқпарат /Руслан Ғаббасов/ - Биылғы жылдың 9 айында контрафактілік өнімдерге қатысты 600-ден астам тексеріс жасалды. Бұл туралы бүгін Астанада өңірлік әділет органдарының қатысуымен өткен бейнеконференция барысында Зияткерлік меншік құқығы комитетінің төрайымы Лиза Стамбекова айтты.

«Контрафактілік өнімнің таралуына тосқауыл мақсатында өңірлік әділет органдарымен тұрақты түрде тексеру шаралары жүргізілуде. 2010 жылдың 9 айында 600-ден астам тексеріс жасалды. Атап айтқанда, 266 әкімшілік іс қозғалды»,- деді ол. Л. Стамбекованың сөзіне қарағанда, 37 миллион теңгені құрайтын 110 мың дана контрафактілік өнім тәркіленді. «Әкімшілік жауапкершілікке 226 адам тартылды. Айыппұл сомасы 5 миллион теңгеден астам қаржыны құрады»,-деді комитет төрайымы.