4 қазан күнгі ауа райы болжамы
НҰР-СҰЛТАН. ҚазАқпарат - 4 қазан күні Қазақстанның солтүстік, орталық және шығыс өңірлерінде жауын-шашын (көбінесе жаңбыр түрінде) жауады. Қалған аумақтарында жауын-шашынсыз ауа райы күтіледі. Республиканың кей жерлерінде тұман күтіледі, солтүстігінде және шығысында жел күшейеді, деп хабарлайды ҚазАқпарат.
Атап айтқанда, «Қазгидромет» РМК мәліметінше, Ақмола, түнде Ақтобе, түнде және таңертең Қарағанды облыстарының кей жерлерінде тұман күтіледі. Күндіз Ақмола облысының кей жерлерінде жел 15-20 м/с күшейеді.
Түнде және таңертең Қостанай облысының кей жерлерінде тұман болжанады. Күндіз кей жерлерінде жел 15-20, екпіні 23-28 м/с артады.
Түнде және таңертең Солтүстік Қазақстан, Павлодар, Шығыс Қазақстан облыстарының кей жерлерінде тұман күтіледі, күндіз кей жерлерінде жел 15-20 м/с күшейеді.
Алматы облысының кей жерлерінде түнде 1 градус үсік күтіледі.
Түркістан, Қызылорда, облыстарының басым бөлігінде, Жамбыл кей жерлерінде, Қарағанды облысының оңтүстігінде, Ақтөбе облысының оңтүстік-шығысында төтенше өрт қаупі сақталады.
