4 маусым күні республиканың кей аймақтарында өткінші жаңбыр жауады - Қазгидромет

АСТАНА. ҚазАқпарат - 4 маусым күні Қазақстан территориясының басым бөлігінде атмосфералық фронттардың өтуіне байланысты кей жерлерде найзағайлы өткінші жаңбыр жауып, екпінді жел тұрады.

Бұл туралы Қазгидромет хабарлады.

Республиканың оңтүстік және батыс аймақтарында ауа райы жауын-шашынсыз болады. Батыс Қазақстан, Қостанай, Павлодар, күндіз Ақмола облыстарының кей жерлерінде желдің күші 15-20 м/с күшейеді. Солтүстік Қазақстан облыстарының кей жерлерінде жел 15-20 м/с күшейіп, түнде және таңертең тұман түседі. Күндіз Ақмола, Жамбыл, Атырау облыстарында, сондай-ақ Алматы, Маңғыстау, Батыс Қазақстан, Ақтөбе, Қостанай облыстарының кей жерлерінде қатты ыстық күтіледі.

Алматы, Оңтүстік Қазақстан, Қызылорда облыстарының кей жерлерінде өте жоғары өрт қауіпі күтіледі.