4 млн қазақстандық «OTAUTV» арналарын көреді
АЛМАТЫ. ҚазАқпарат - 4 млн қазақстандық «OTAUTV» отандық жер серігі арналарына қосылған, деп хабарлады ҚазАқпарат «Қазтелерадио» АҚ басқарма төрағасы Асқар Хайрушевке сілтеме жасай отырып.
«Бүгінгі таңда «OTAUTV» абоненттері 120 телеарнаны көре алады, оның ішінде 55-і отандық каналдар, 65-і шетелдік. Біздің жұмысты бастағаннан қосылғандар саны 6,5 мыңнан 1,2 млн абонентке дейін арты. 1,2 млн абонент тұрғын үйлерге қосылған. Демек, 4 млн Қазақстан тұрғыны «OTAUTV» арналарын тамашалай алып отыр», - деді А.Хайрушев.
80 пайыз - абонент жер серік қосылғанға дейін 1-2 арна ғана көріп келген ауыл, аудан тұрғындары.
2016 жылдың наурыз айынан қазан айына дейін үлкен жоба жүзеге асты.
Нақтырақ айтқанда, «OTAUTV» жер серігін шетелдік Intelsat -904 ғарыш аппаратынан қазақстандық Kazsat-3 жер серігіне ауыстыру жұмыстары жүргізілді. Kazsat-3-ке ауысуға 1,6 млрд теңге инвестиция тартылды.
