400-ден астам қарағандылық Конституцияның 25 жылдығына арналған медальмен марапатталды
ZOOM платформасы арқылы онлайн режимінде конференцияға қоғам қайраткерлері, белгілі ғалымдар, дәрігерлер, жұмысшылар және басқа да салалардың өкілдері қатысты.
Қарағанды облысының әкімі Жеңіс Қасымбек бірқатар қайраткерлерге Мемлекет басшысының атынан марапаттарын табыс етті. ҚР Президентінің Жарлығымен «Қазақстан Конституциясына 25 жыл» мерекелік медаліне 448 қарағандылық ие болды.
«Қазақстан Республикасының Президенті Қасым-Жомарт Тоқаев: «Қазақстан Конституциясы ең үздік әлемдік тәжірибе мен практиканы, сондай-ақ тарихи және ұлттық дәстүрлерді өзіне сіңіре отырып, халық бірлігі мен мемлекетіміздің тәуелсіздігінің берік іргетасы болып қызмет атқарады», - деп атап өтті. Бүгін біз еліміздің Негізгі Заңы уақыттың сенімді сынағынан өтіп, жалпыхалықтық дамуда өзінің негізгі маңызын дәлелдей алды деп айта аламыз. Қолданыстағы Конституцияны әзірлеуде, қазақстандық мемлекеттілік моделін қалыптастыруда, тәуелсіз Қазақстанның конституциялық реформаларын құруда Тұңғыш Президент Нұрсұлтан Назарбаев үлкен рөл атқарды. Біз елдің және халықаралық деңгейде көптеген жетістіктерді оның есімімен байланыстыра аламыз. Біз мұны әрдайым есте сақтаймыз», - деп атап өтті Жеңіс Қасымбек.
Қазақстандықтарға Конституция берген құқықтар мен әлеуметтік кепілдіктер туралы спикерлер айтқан болатын. Кездесуге қатысушылар қазақстандықтар бір мезгілде еліміздің Негізгі Заңы мен бірегей институт - Қазақстан халқы Ассамблеясының 25 жылдығын атап өтетін тарихи сәттің маңыздылығын атап өтті.
«Біз Конституциямыздың біздің өмірімізде қандай рөл атқаратынын өте жақсы білеміз. Өйткені, ол «Біз - Қазақстан халқымыз» деген сөздермен басталады. Барлық қазақстандықтарды, түрлі этнос өкілдерін Отанымызға деген түбі терең сүйіспеншілік сезімі біріктіреді. 25 жыл тарихи жаһандық өлшемде ол бір сәт қана. Бірақ біз үшін ұлы мемлекет құрушыларға - бұл маңызды күн. Бұл ел дамуының белгісі және бейнесі», - деді «Полония» облыстық поляк этномәдени бірлестігінің төрағасы Виталий Хмелевский.
Еңбек ардагері Григорий Презенттің айтуынша, бейбітшілік, келісім мен бірлік қазақстандық қоғамның баға жетпес байлығы және мемлекеттік дамудың қозғаушы күші болып табылады. «Қазақстан халқы Ассамблеясының ПӘК физикалық тұрғыда өлшеуге және сезіну мүмкін емес, бірақ бірегей қоғамдық институт қуатты күшке, зор қуат пен позитивке ие», - деп атап өтті Қарағанды облысының Құрметті азаматы, ҚХА мүшесі.
Жиналғандар коронавирустық инфекциямен күресуде алдыңғы қатарда жүрген дәрігерлер мен барлық медицина қызметкерлеріне алғыс айтты. Өздеріне қауіп төндіре отырып, олар адамдардың өмірін сақтап, азаматтардың денсаулығын қорғауға конституциялық құқығын жүзеге асыруды қамтамасыз етті.
