42 адамды өлтірген қылмыскер қолға түсті

АСТАНА. ҚазАқпарат - Бра­зилиялық по­ли­цей­лер соңғы 10 жылда Рио-де-Жа­ней­рода 40-тан астам адамды өлтіргенін мойындаған ер адамды ұстады.

Сайл­сон Жо­зе дас Гра­сас сәрсенбі күні, Рио маңында әйелді соғып өлтіргені үшін ұсталған, деп хабарлады BBC.

Кейін ол тағы 37 әйел, үш ер адамды және екі жасар қызды өлтіргенін айтқан.

Globo арнасында көрсетілген по­ли­цейлермен әңгімесінде ол адамды өлтіруді жалғастырғысы келетінін, сондай-ақ ол түрмеден шыққан соң да бұл ісін жалғастыратынын жеткізді.

По­ли­ция жапа шеккендердің мүрделерін іздестіруде, әзірге 4 адамның мәйіті ғана табылды.

Сайл­сон Жо­зе дас Гра­сас шашы ашық түсті нәзік жандыларды буындырып өлтіруді қалайды екен. Оның айтуынша, бірнеше ай бойы өзінен жапа шеккендерді бақылап, кейін оларға шабуыл жасайтын көрінеді.