5 мың үйрек көлік қозғалысына кедергі келтірді
АСТАНА. 20 маусым. ҚазАқпарат - Қытайдың шығысындағы Чжэцзян провинциясында 5 мыңға жуық үйрек жол бойына шығып, көлік қатынасына әжептеуір кедергі келтірді.
Қазақстан ұлттық арнасының хабарлауынша, 5 мыңға жуық үйрек жол бойына шығып, көлік қатынасына әжептеуір кедергі келтірді. Жергілікті фермерлер құстарды бір ауылдан екінші ауылға көшірмек болыпты. Жетекші шаруаның айтуынша, қоныс аудару кезінде бірде-бір үйрек жоғалмады. Ал, құстардың ортасында қалған жергілікті тұрғындар әдеттен тыс, күнде бола бермейтін ерекше көріністің куәгерлері болғандарына дән риза болып отыр.
