5 өңірді қалың тұман басады - Қазгидромет

АСТАНА. ҚазАқпарат - Қазгидромет 2 ақпанда бірнеше өңірде ауа райына байланысты ескерту жариялады, деп хабарлайды ҚазАқпарат.

Ақтөбе облысының шығысында тұман түседі. Шығыстан жел соғады түнде желдің екпіні 17 м/с жетеді.

Маңғыстау облысының батысында, оңтүстігінде, шығысында тұман түсіп, түнде облыстың солтүстігінде, шығысында жолдарда көктайғақ болады.

Батыс Қазақстан облысының солтүстік-батысында, орталығында тұман болады.

Қызылорда облысының орталығында тұман, көктайғақ болжанады.

Алматы қаласын да қалың тұман басады.