5 шілдеге арналған ауа райы болжамы

СТАНА. 5 шілде. ҚазАқпарат - 5 шілде күні атмосфералық ағымдардың өтуіне байланысты күн райының тұрақсыз сипаты сақталады, жекелеген аумақтарда жаңбыр жауады, найзағай ойнайды, бұршақ түсіп, жел күшеюі ықтимал.

Бұл туралы Қазгидрометке сілтеме жасап, ТЖМ хабарлады.

Жамбыл, Оңтүстік Қазақстан, Павлодар, Солтүстік Қазақстан, Шығыс Қазақстан, күндіз Қостанай облыстарында желдің екпіні секундына 15-22 метрге жетеді, ал Шығыс Қазақстан облысында 25-28 метрге дейін жетеді.

Болжам бойынша, Алматы облысында кей жерлерде желдің жылдамдығы секундына 17-22 метрге артып, шаңды дауыл тұрады.

Қарағанды облысында жекелеген аудандарда 15-20 м/с күшпен жел соғады, күндіз кей жерлерге бұршақ түсуі мүмкін.

Ақмола, Маңғыстау облыстарында түнде тұман тұрады, Ақмола облысының жекелеген аудандарында желдің жылдамдығы 15-20 м/с-қа жетеді.

Еліміздің солтүстік-батысында, оңтүстік-шығысында, оңтүстігі мен орталығында кей жерлерде жоғары өрт қаупі күтіледі.

Жақын тәуліктерде республиканың оңтүстігіндегі, оңтүстік-батысы мен шығысындағы таулардың етегіндегі өзендерде судың көлемі ауытқиды. Жазық жерлердегі өзендерде гидрологиялық режимде елеулі өзгерістер байқалмайды.