50 жылда алғаш рет азаматтық басшы Мьянма президенті атанды

АСТАНА. ҚазАқпарат - Мьянма Парламенті Тхин Чжоны жаңа президенттікке сайлады. Осылайша ол 50 жылдың ішінде елдегі алғашқы азаматтық басшы атанды, деп хабарлады "Би-Би-Си".

Тхин Чжо парламентте 652 дауыстың 360-ын жиып, «Демократия үшін ұлттық лига» партиясының өкілі - өзге кандидаттан және қарулы күштер өкілінен озды.

Жаңа президент «Демократия үшін ұлттық лига» партиясын басқаратын Нобель сыйлығының лауреаты Аун Сан Су Чжидің жақтасы. Бұл партия 2015 жылы қараша айындағы парламенттік сайлауда жеңіске жеткен болатын.