6 маусым күні елордада өтетін маңызды шаралар аңдатпасы

АСТАНА. ҚазАқпарат – «ҚазАқпарат» халықаралық ақпарат агенттігі 6 маусым күні Астанада өтетін мәдени және қоғамдық маңызды шаралар аңдатпасын ұсынады.

10:00-де Үкімет үйінде кезекті Үкімет отырысы өтеді. Күн тәртібінде көктемгі егіс жұмыстарына дайындық барысы және су қоймаларындағы қауіпсіздік тақырыптары қаралады.

10:00-де «Бәйтерек» бизнес орталығында «Алматы электр станциялары» АҚ (АлЭС) мен «Қазақстанның Даму Банкі»АҚ арасындағы кредиттік келісімге қол қоюға арналған баспасөз брифингі өтеді. Жоба «Самұрық-Қазына» қорының қолдауымен жүзеге асырылып отыр.

11:00-де Астана қаласы Коммуникациялар қызметінде «Қуыршақ театрының қызметі туралы» онлайн брифинг өтеді. Спикер: Астана қаласы әкімдігі «Қуыршақ театры» МКҚК көркемдік жетекшісі Қуат Ежембек. Онлайн баспасөз конференциясы «Астана қаласы коммуникациялар қызметінің» Facеbook-тегі facebook.com/rsk.astana01 және Instagram-дағы instagram.com/rsk.astana ресми парақшаларында тікелей эфирде өтеді.

12:00-де Орталық коммуникациялар қызметінде «Қызылорда облысының әлеуметтік-экономикалық дамуы туралы» баспасөз мәслихаты өтеді. Спикер: Қызылорда облысының әкімі Нәлібаев Нұрлыбек Машбекұлы. Көрсетілім сілтемелері: https://www.youtube.com/user/ortcomkz, https://ru-ru.facebook.com/ortcomkz

15:00-де «Keruen» сауда және ойын-сауық орталығы «Ғаламторда сақ бол!» комиксінің тұсаукесерін өткізеді.

15:00-де Орталық коммуникациялар қызметінде «Халықаралық еріктілер форумы туралы» баспасөз мәслихаты өтеді. Спикер: Ақпарат және қоғамдық даму вице-министрі Қадыров Данияр Рамазанұлы. Көрсетілім сілтемелері: https://www.youtube.com/user/ortcomkz, https://ru-ru.facebook.com/ortcomkz