62 жастағы америкалық әйел төртінші рет Кубадан Флоридаға жүзуге талпыныс жасамақшы
АСТАНА. 20 тамыз. ҚазАқпарат - 62 жастағы жүзгіш әйел Дайана Найад төртінші мәрте Кубадан Флоридаға акулалардан қорғайтын арнайы торсыз жүзуге талпыныс жасайды.
Бұл туралы Еуразия бірінші арнасы хабарлайды.
Батыл әйел 165 шақырымды 60 сағатта жүзіп өтуді жоспарлауда. Бұл 62 жастағы әйелдің төртінші рет жүзуі екен. Өткен жылы оны португалиялық медуза туыстас жәндіктер тістелеп тастаған көрінеді. Сонда дәрігерлер тағы бір рет сол жәндіктер шағып алса, оған қатерлі болады деп ескерткен.
Айта кетейік, осы жолы Дайана Найад қозғалысын акулалар мен медуза сарапшылары бақылайды. Ал әйелдің өзі арнайы қорғайтын киіммен жүзеді.
