65-ші Берлин кинофестиваліне қатысатын фильмдер анықталды

АСТАНА. ҚазАқпарат - Берлинде өтетін 65-ші кинофестивальдің конкурстық бағдарламасына қатыстырылатын 23 фильм қамтылған тізім шараның ресми сайтында жарияланды, деп жазады РИА Новости.

Олардың қатарында чилилік режиссер Пабло Ларраиннің "Клуб" (El Club), польшалық режиссер Мальгоржат Шумовсканың "Дене" (Тело - Body), жапондық режиссер Сабудің (Sabu) "Часуке саяхаты" (Путешествие часуке - Ten no chasuke), итальяндық режиссер Лауры Биспуридің "Пәк жан" (Клятвенная девственница - Vergine giurata), румындық режиссер Раду Джуденің "Даусыз!" (Браво - Aferim), неміс режиссері Андреас Дрезеннің "Біз армандаған сәттер" (Когда мы мечтали - Als wir traumten) және американдық кинорежиссер Вернер Херцогтің "Шөл ханшайымы" (Королева пустыни - Queen of the Desert) туындылары бар.

Кинофестивальдің басты марапаттары - «Алтын аю» мен «Күміс аюды» иеленуге биыл 19 картина үміткер болып отыр. Айта кетейік, Канн және Венециан фестивальдарымен қатар беделді әлемдік кино байқауларына жататын Берлин кинофестивалі 2015 жылдың 5-15 ақпаны аралығында өтеді.