68 жастағы әйел велосипедпен 8 мың шақырым жол жүріп өтті
АСТАНА. Тамыздың 28-і. ҚазАқпарат - Ресейдің Тверь қаласының 68 жастағы тұрғыны Юлия Михайлюк велосипедпен өзінің туған жері Хабаровскіге жеткен, әрі қарай Камчаткаға барып, атақты Гейзерлер алқабында болып, өзінің арманын орындап отыр.
Бұл туралы жиһанкез кейуананы бүгін салтанатты жағдайда күтіп алатын Камчатка өлкесінің үкіметінен хабарлады.
Юлия Михайлюк мамырдың 20-сында жолға шыққан. Күніне 100 шақырым жол жүріп отырып, 8 мың шақырым қашықтықты бағындырған әйел 3 айдан кейін Қиыр Шығыс Федералды округінің өлкелік орталығына жетіп отыр, деп хабарлайды «Маяк» радиостансасы.
