7-қабаттан құлаған бір жасар сәби аман қалды
МИНСК. ҚазАқпарат - Беларусьтың Могилев қаласында 2 қыркүйек күні кешкісін тұрғын үйлердің бірінің жетінші қабатынан құлап кеткен бір жасар бала аман қалды. Бұл туралы «ҚазАқпарат» ХАА БЕЛТА агенттігіне сілтеме жасап хабарлайды.
Тергеу комитетінің Могилев облысы бойынша басқармасының ресми өкілі Оксана Соленюктің мәлімдеуінше, 17:15 шамасында сәбиімен бірге серуендеп қайтқан әйел оны диванға жатқызып, өзі асүйге кетеді. Бала сол кезде терезеден құлап кеткен.
Оқыс жағдайға куә болған көрші әйел қолма-қол жедел жәрдем шақырады. Бала бірнеше жерінен жарақат алғанына қарамастан, аман қалған. Ол облыстық балалар ауруханасының жансақтау бөліміне жеткізілді.
