7 млн. теңгені Қытайға жасырып өткізбек болды

АСТАНА. ҚазАқпарат - «Қорғас» бақылау-өткізу бекетіндегі (қазақстандық - қытайлық шекара) шекарашылар елімізден валютаны заңсыз жолмен алып өтпек болған Қазақстан Республикасының 2 азаматын ұстады.

Шекаралық тексеру кезінде олардың қалталарынан декларацияланбаған ірі көлемдегі ақша - 7 миллион теңге табылды. ҚР азаматтары мен олардың жарияланбаған ақшалары акт бойынша "Алтынкөл" кедендік бекетінің қызметкерлеріне табысталды, деп хабарлады ҚР ҰҚК ШҚ баспасөз қызметі.