7 жасар қыздың өмірін қиған жол апаты: автобус жүргізушісі де жазаланды
АЛМАТЫ. KAZINFORM - Бұл туралы Алматы қаласының Полиция департаменті хабарлады.
– Тергеу аясында оқиғаның барлық мән-жайы анықталып жатыр. Әр адамның іс-әрекетіне құқықтық баға беріледі, кінәлілер жауапқа тартылады. Сонымен қатар жаяу жүргіншілер өткелінде балаға жол бермеген автобус жүргізушісі ӘҚБтК-нің 600-бабы бойынша әкімшілік жауапкершілікке тартылды. Автобус айып тұрағына қойылды, - деп хабарлады департаменттен.
Еске салайық, 2 сәуір күні Алматыда жүк көлігі 7 жасар қызды басып кетті. Жол-көлік оқиғасынан оқушы қыз мерт болды.
– Өкінішке қарай, бала оқиға орнында қайтыс болды. Адамның өліміне әкеп соққан жол-көлік оқиғасы фактісі бойынша қылмыстық іс қозғалды. Ол бойынша сараптамалық зерттеулер жүргізіледі, - деп хабарлады департаменттен.
