74 жастағы Түркістан облысының тұрғыны коронавирустан жазылды
ТҮРКІСТАН. ҚазАқпарат - Түркістан облысында Covid-19 инфециясынан емделген науқас ауруханадан үйіне шығарылды, деп хабарлайды ҚазАқпарат Өңірлік коммуникациялар қызметіне сілтеме жасап.
Сайрам ауданындағы Қарабұлақ елдімекені Көлкент ауылдық округіне қарасты Мәдени ауылының 74 жастағы (1946 жылғы) тұрғыны 1 сәуір мен 17 сәуір аралығында стационарлық ем қабылдап, бүгінгі таңда толықтай дертінен айықты.
Зейнеткердің «өкпенің созылмалы обструктивті ауруы», «бронх демікпесі» секілді қосалқы диагнозы да болған.
Еске сала кетсек, Түркістан облысында короновирустан емделгендер саны жетеуге жетті.
