8 қыркүйекте Қазақстанда тұңғыш рет Отбасы күнi аталып өтедi
АСТАНА. 28 тамыз. ҚазАқпарат - 8 қыркүйекте Қазақстанда тұңғыш рет Отбасы күнi аталып өтедi. Бұл туралы бүгiн ҚР Президентi жанындағы Орталық коммуникациялар орталығының ресми өкiлi Алтай Әбибуллаев мәлiм еттi.
"Мемлекет басшысының Жарлығымен бұл күн осы жылдан бастап қыркүйек айының екiншi жексенбiсiнде аталып өтiледi. Ел Президентi мемлекет - отбасыдан басталатынын және бiздiң қоғамда негiзгi отбасылық құндылықтарды нығайтудың маңыздылығына ерекше назар аударып отырғандығын тағы да атап өткiм келедi. Отбасы күнiне орай 6 қыркүйек күнi Республикалық әйелдер кеңесi "Отбасы және ұрпақтық-әлеуметтiк әдiлеттiлiк" тақырыбында халықаралық конференция ұйымдастырады", - дедi А.Әбибуллаев.
