8 маусым күні елордада өтетін маңызды шаралар аңдатпасы

АСТАНА. ҚазАқпарат – «ҚазАқпарат» халықаралық ақпарат агенттігі 8 маусым күні Астанада өтетін мәдени және қоғамдық маңызды шаралар аңдатпасын ұсынады.

9.00-де ҚР Парламенті Сенатында пленарлық отырыс басталады.

11.00-де «Конгресс орталығында» Астана халықаралық форумының ашылу салтанаты және пленарлық отырыс өтеді.

11.00-де Астана қаласы білім басқармасының басшысы Қасымхан Сенғазиевтің қатысуымен Астана қаласының кәсіпкерлер палатасы жанындағы Салалық білім және жұмыспен қамту кеңесінің отырысы өтеді.

12.00-де Орталық коммуникациялар қызметінде «Ақмола облысының әлеуметтік-экономикалық дамуы туралы» баспасөз мәслихаты өтеді. Спикер: Ақмола облысының әкімі Маржықпаев Ермек Боранбайұлы. Көрсетілім сілтемелері: https://www.youtube.com/user/ortcomkz, https://ru-ru.facebook.com/ortcomkz

14.30-да Назарбаев Университетінде өтетін Халықаралық валюта қорының (ХВҚ) басқарушы директоры және төрайымы Кристалина Георгиеваның қонақ дәрісі өтеді.

15.00-де Орталық коммуникациялар қызметінде «Қазақтың Тазы және Төбет ит тұқымдарының популяциясын жаңғырту туралы» баспасөз мәслихаты өтеді. Спикерлер: «Қазақстан кинологтар одағы» қоғамдық бірлестігінің президенті Бауыржан Серікқали; Экология және табиғи ресурстар министрлігі, Орман шаруашылығы және жануарлар дүниесі комитеті төрағасының орынбасары Андрей Витальевич Ким; Экология және табиғи ресурстар министрлігі,Орман шаруашылығы және жануарлар дүниесі комитетінің бас сарапшысы Ринат Балтабайұлы Есмагулов. Көрсетілім сілтемелері: https://www.youtube.com/user/ortcomkz, https://ru-ru.facebook.com/ortcomkz

17.00-де «BeeLine Arena» ұлттық теннис орталығында самбо және әскери самбодан ересектер, әйелдер, жастар, жасөспірімдер арасында Азия чемпионатының салтанатты ашылу рәсімі өтеді.

19.00-де Қалибек Қуанышбаев атындағы мемлекеттік академиялық қазақ музыкалық драма театрында «Қыз жиырмаға толғанда» қойылымы көрсетіледі.