8 млн қазақстандық банкоматтан ақшаны комиссиясыз шеше алады
10 шілдеден бастап аталған банктердің банкоматынан ақша шешуге қосымша комиссиялар алынып тасталды.
Енді Халық банкі мен Қазком клиенттері екі банктен де ақшаны комиссиясыз ала беретін болады.
«2017 жылдың 1 маусымындағы жағдай бойынша, Халық банкінің 2367 банкоматы болды, оның 559-ында cash-in функциясы (ақша салу) бар. Ал Қазкомның банкоматтар желісінде 2292 құрылғы бар, оның 465 - cash-in функциясымен. Бүгінгі күні Халық банкінде - 6 млн, ал Қазкомда 2 млн.-нан астам карточка ұстаушыға қызмет көрсетілетінін ескерсек, Қазақстанның экономикалық белсенді тұрғындарының көпшілігі екі банктің банкоматтық желілерінің бірігу артықшылықтарын пайдалана алады», - деп атап өтті «Қазком» банкінің баспасөз қызметінен.
ҚР Ұлттық банкінің мәліметінше, 2017 жылдың сәуірінде банкоматтар арқылы 683,2 млрд теңгеге 17,6 млн транзакция жасалған.