8 наурызда Қазақстан аумағының жекелеген жерлерінде жауын-шашын болып, жел күшейеді деп күтілуде - ауа райы
АСТАНА. 7 наурыз. ҚазАқпарат - Қазақстанның басым аумағы антициклонның ықпалында болады. Атмосфералық ағымдардың өтуіне байланысты жауын-шашын, тұман, көктайғақ болып, жел күшейеді деп күтілуде. Бұл туралы Қазгидрометке сілтеме жасай
отырып, ҚР ТЖМ-нің баспасөз қызметі хабарлады.
Республиканың шығысында аздаған жауын-шашын жауып, негізінен күн райы ашық болады деп күтілуде.
Ақмола, Оңтүстік Қазақстан, Маңғыстау, Солтүстік Қазақстан және Қарағанды облыстарының кей жерлерінде тұман болып, 15-20 м/с жылдамдықпен жел соғады.
Жамбыл, Қызылорда, Атырау облыстырының кей жерлерінде тұман, көктайғақ болып, 15-20 м/с жылдамдықпен жел соғады деп күтілуде.
Батыс Қазақстан, Қостанай және Шығыс Қазақстан облыстарының жекелеген жерлерінде тұман болады.
Ақтөбе облысының кей жерлерінде тұман болып, 15-20 м/с жылдамдықпен жел соғуы ықтимал.
8-11 наурыз аралығында Сырдария өзеніндегі Көктөбе су қоймасының төменгі бөлігінде, Шу өзенінде және Алматы облысының таулы аймақ өзендерінде мұз ериді. Шардара су қоймасына секундына 1200-1250 текше метр су келеді деп күтілуде.
Жамбыл, Алматы және Шығыс Қазақстан облыстарының өзендерінде су деңгейінің ауытқуы байқалады.
Алматы облысында ауа райының жылынуы мен жауын-шашынға байланысты қар ериді.
