8 тамыз. Kazinform күнтізбесі. Тұлғалар туған күн

ЕСІМДЕР 

49 жыл бұрын (1977) «Қазгидромет» РМК Бас директоры Данара Қизатқызы ӘЛІМБАЕВА дүниеге келді.

Метеорология, қаржы, қолданбалы экология мамандықтары бойынша білім алған.

Еңбек жолын 2022 жылы «Қазгидромет» кәсіпорнында техник-метеоролог болып бастаған. 2003-2015 жылдары осы кәсіпорында инженер-метеоролог, жетекші инженер-метеоролог, метеорология басқармасының басшысы, метеорология департаментінің директоры болып жұмыс істеді. 2015-2017 жылдары «Қазгидрометтің» экология мониторингі департаментінің директоры, 2017-2020 жылдары «Қазгидромет» РМК бас директорының орынбасары болып қызмет етті.

Қазіргі лауазымын 2020 жылдың наурызынан бері атқарып келеді.

46 жыл бұрын (1980) мемлекет қайраткері Анас Ахатұлы БАҚҚОЖАЕВ дүниеге келді.

Жетісу облысының тумасы. 2001 жылы Қазақ Ұлттық аграрлық университетін «Инженер-механик» мамандығы, 2021 жылы С. Сейфуллин атындағы Қазақ агротехникалық зерттеу университетінің магистратурасын «Экономика» саласы бойынша бітірген.

Еңбек жолы: 2001-2003 жылдары ҚР Ауыл шарашылығы министрлігінде бас маман, 2003-2009 жылдары «ҚазАгроМаркетинг» АҚ департамент директоры, 2009-2011 жылдары Мал шаруашылығы және ветеринария ғылыми-инновациялық орталығының бас директоры, 2012-2013 жылдары «ҚазАгро» ұлттық холдингінің басқарушы директоры, 2013-2015 жылдары «ҚазАгроӨнім» АҚ Басқарма Төрағасының орынбасары, 2015-2016 жылдары Қарағанды қаласындағы ет өңдеу комбинатының директоры, 2016-2017 жылдары «Атамекен» ҰКП «Агробіліктілік» орталығының эксперті, 2017-2018 жылдары «Асыл Түлік» АҚ Басқарма төрағасы, 2019-2020 жылдары «БиоПрофи» компаниясының директоры, 2020-2022 жылдары «Ауыл» халықтық-демократиялық патриоттық партиясының хатшысы, Саяси кеңесі Президиумының мүшесі, 2018-2022 аралығында Қазақ радиосында «Аграрлы Қазақстан» хабарын жүргізген. 2023-2026 жылдары ҚР Парламенті Мәжілісінің VIIІ шақырылым депутаты, Экономикалық реформа және өңірлік даму комитетінің мүшесі болды.

41 жыл бұрын (1984) Қазақстан Республикасы Өнеркәсіп және құрылыс вице-министрі Қуандық Жұмабекұлы ҚАЖКЕНОВ дүниеге келді.

Көкшетау облысында туған. С. Сейфуллин атындағы Қазақ аграрлық университетін «Өнеркәсіптік кәсіпорындарды электрмен жабдықтау» мамандығы бойынша, «инженер» біліктілігімен (2006), «Көкше» академиясын «Құқықтану» мамандығы бойынша (2015 ж) бітірген.

Еңбек жолы: 2006-2008 жылдары «Арч-Идеа» ЖШС инженер-электригі, 2008-2009 жылдары «Жаңа жобалар» ғылыми-техникалық орталығы» ЖШС инженер-конструкторы, 2009-2011 жылдары «Мемсараптама» РМК әдістеме және ақпараттық қамтамасыз ету бөлімінің маманы, 2011-2012 жылдары «Мемсараптама» РМК әдістеме және ақпараттық қамтамасыз ету бөлімінің әдістеме және ақпараттық қамтамасыз ету секторының жетекші маманы, 2012-2013 жылдары «Мемсараптама» РМК филиалдарымен жұмыс бөлімінің жетекші маманы, 2013-2015 жылдары «Мемсараптама» РМК филиалдарымен жұмыс бөлімінің бастығы, 2015-2016 жылдары «Мемлекеттік сараптама» мемлекеттік кәсіпорны әдістеме бөлімінің басшысы, 2016-2017 жылдары «Мемсараптама» РМК Солтүстік аймақтық филиалы директорының орынбасары, 2017 жылы «Мемлекеттік сараптама» мемлекеттік кәсіпорнының әдістеме бөлімінің басшысы, 2017-2021 жылдары «Ақпараттық технологиялар саласындағы мемлекеттік сараптама» мемлекеттік кәсіпорны бас директорының орынбасары, 2021-2024 жылдары «Мемсараптама» РМК бас директоры қызметін атқарды.

2024 жылдың сәуір айынан бастап қазіргі қызметінде.