8 жасар Зауырбек Амангелді теннистен республикалық турнирдің жеңімпазы атанды
ҚЫЗЫЛОРДА. ҚазАқпарат - Астана қаласында 8-10 жас аралығында балалар арасында теннистен өткен «Қызғылт сары» доп республикалық турнирінде сырбойылық бүлдіршін Зауырбек Амангелді жеңімпаз атанды.
Бұл туралы ҚазАқпарат ХАА тілшісі облыстық дене шынықтыру және спорт басқармасына сілтеме жасап хабарлады.
Ол жасы кішілігіне қарамастан алты кездесуде де қарсыластарынан басым түсіп, жеңіске жетті. Болашағынан үміт күттіретін жас спортшыны жарысқа Нұрлан Жұрымбетов дайындады.
Айта кетейік, бүгін Ақтөбеде теннистен 12 жасқа дейін жасөспірімдер арасында республикалық турнир басталды.
