91 жастағы жүргізуші супермаркеттің қабырғасын қирата ішке кіріп кеткен
АСТАНА. ҚазАқпарат - Германияның оңтүстік батысындағы Саарбрюккен қаласында 91 жастағы ер адам автомобилімен супермаркеттің қабырғасын қирата ішке кіріп кеткен, деп хабарлайды Stuttgarter Zeitung.
Оқыс оқиға жайлы алдын ала белгілі болғаны - егде жүргізуші рульге ие бола алмай қалған. Әзірге келеңсіз жайттың себеп-салдары белгісіз.
Тек бес адамның зардап шеккені мәлім етілді. Олардың үшеуі ауыр жағдайда, ал екеуі жеңіл жарақаттанған.
