96 жастағы қария әке атанды

АСТАНА. 18 қазан. ҚазАқпарат - Үндістанның Сонипат ауылында 96 жастағы қария әке атанды.

Оның елу жастағы әйелі жақында ғана дүниеге торсық шекелі ұл әкелді. Сондай-ақ, бұл отбасының ең кәрі ата-ана атануы бірінші рет емес. 2010 жылы дүниеге алғашқы балаларын әкелгенде, бүкіл әлемдік БАҚ жарыса жазған еді. Бұл туралы BAQ.KZ хабарлайды.

Екінші ұлдың денсаулығы өте жақсы, дейді жергілікті дәрігерлер. Олардың айтуынша, 100-ге таяған Рамаджит Рагхав – Үндістандағы ең қарт әке деген атаққа әбден лайық. Өйткені, мұнда осыған дейін перзент сүйген қарияның жасы 90-да болған екен.