А(H1N1) тұмауының алдын алу: Астанада медициналық көмек пункті ұйымдастырылды
АСТАНА. Шілденің 24-і. ҚазАқпарат - Астанада қалалық емхана мекемелерінде, сондай-ақ денсаулық сақтау органдарында келушілерге медициналық көмек көрсететін пункттер ұйымдастырылды,
деп хабарлайды Денсаулық сақтау министрлігі Мемлекеттік санитарлық қадағалау комитетінің елордалық департаменті.
Шетелге оқуға шыққан оқушылардың арасында А(H1N1) тұмауының анықталуына байланысты денсаулық сақтау органдары елорда тұрғындары мен қонақтарына аурудың алдын алудың кейбір ережелерін сақтауды ұсынады.
1. Мүмкіндігінше пандемииялық тұмау оқиғалары тіркелген алыс және таяу шетелдерге баруды шектеу.
2. Тыныс жолдары ауруларының клиникалық белгілеріне (қызу көтерілуі, тамағы ауруы, жөтел, мұрын бітуі) назар аудару..
3. Ауру белгілері пайда болса, дәрігерлермен кеңесу.
4. Бұл жағдайда басқа адамдармен байланыстан аулақ болу.
5. Қолды сабынмен немесе спиртпен сүрту.
6. Бөлмелерді, әсіресе жалпы пайдаланудағы орындарды желдету.
7. Егер Сіз немесе отбасыңыз мүшелерінің бірі сырқаттанса, мектепке дейінге балалар мекемелеріне, мектепке немесе жұмысқа бармау.
8. Ауру белгілері пайда болса, біржолғы бетпердені пайдалану.
9. Ауру белгілері пайда болса, туыстармен және достармен байланыстарды шектеу.
10. Шетелден келгеннен кейін жеті күн бойы шұғыл медициналық көмекке жүгіну үшін көңіл күйіңнің төмендей бастағанын байқататын белгілер мен денсаулық жағдайын бақылау.
А (H1N1) тұмауы ауа арқылы және адамнан адамға жұғатын өткір тыныс жолдары ауруы.
Негізгі клиникалық белгілері , әдетте маусымдық тұмау сияқты өтеді - мұрын бітуі, тамақ ауруы, жөтел, бас ауруы, қызу көтерілуі.
Тұмауды емдеу кәдімгі маусымдық тұмау сияқты жүргізіледі.
