«А» корпусы элита емес, бұл - халықтық қызмет - Елбасы
АСТАНА. 17 қазан. ҚазАқпарат - «А» корпусы элита емес, бұл халықтық қызмет. Бүгін «А» басқарушы корпусы мемлекеттік қызметшілерімен кеңес өткізген Елбасы Нұрсұлтан Назарбаев осылай деді.
Елбасы өз сөзінде әрбір мемлекеттік қызметші өз ісінің кәсіби шебері, адал, бастамашыл, ұлтшыл, ар-ожданы жоғары, кішіпейіл, халыққа қызмет етуге жан-тәнімен берілген болуы тиістігін баса айтты. «Сіздер әркезде де кейбіреулер айтып жүргендей, «А» корпусы қандай да бір элита емес, бұл халықтық қызмет екендігін есте сақатуға тиіссіздер», - деді Н.Назарбаев.
Сонымен қатар ҚР Президенті «А» корпусына кірген шенеуніктерге еш уақытта халық қызметшілері екендіктерін ұмытпауды баса айтты.
