А. Мамытбеков Астана Банкінің тәуелсіз директоры болды

АСТАНА. ҚазАқпарат - Бағалы қағаздары Қазақстан қор биржасының (KASE) ресми тізімінде тұрған "Астана Банкі" АҚ (Алматы), Қазақстан қор биржасына (KASE), Директорлар кеңесінің құрамындағы өзгерістер туралы мәлім етті.

KASE хабарламасында айтылғандай, 6 маусым күні болған Астана Банкі акционерлерінің  жылдық жалпы жиналысында  директорлар кеңесінің мүшесі Махамбет Хасеновтің өкілдігін мерзімінен бұрын тоқтату және директорлар кеңесінің тәуелсіз директоры есебінде  бұрынғы ҚР ауыл шаруашылығы министрі Асылжан Мамытбековті сайлау жөнінде шешім қабылдады.