А/Н1N1 тұмауы ауруының зертханалық расталған екі жағдайы тіркелді

деп хабарлады Денсаулық сақтау министрлігінің баспасөз қызметі.

Бірінші жағдай: жасөспірім Солтүстік Қазақстан облысы, Петропавл қаласына 2009 жылғы  3  тамызда Ұлыбританиядан оралған. Бұл елде бала 2009 жылғы  шілденің 5-нен тамыздың 2-не дейін  болған.

Тамыздың 3-де жасөспірімде респираторлы жұқпа белгілері, 37,4⁰С температураға дейін дене қызуы, тамағы жыбырлау, аздаған жөтел болғаны анықталды. Ол дәрігерлердің қарауымен амбулаторлық ем қабылдауда. Жасөспіріммен үйде қарым-қатынаста болғандар саны -4 адам, олардың 2-ересек, 2- бала.

  Екінші жағдай Алматы  қаласында тіркелді. Тамыздың 5-дегі тексеру оң нәтиже берді. Ол   стационар жағдайында ем қабылдауда.

Осылайша, Қазақстанда 2009 жылғы  тамыздың 5-де А/Н₁N₁ тұмауымен сырқаттанудың 17 жағдайы тіркелген. Бұған дейін хабарланғандай, оның 15-і карантиннен алынды.

 Қазіргі уақытта қарым-қатынаста болған адамдардың одан әрі мониторингін жүргізу және ошақта індетке қарсы кешенді іс-шаралар жүргізілуде.