А Жанқұлиев Қазақстанның Швейцариядағы Елшісі қызметінен босатылды

АСТАНА. Ақпанның 17-сі. ҚазАқпарат – Мемлекет басшысы Нұрсұлтан Назарбаевтың Жарлығымен Аманжол Қазыбекұлы Жанқұлиев басқа жұмысқа ауысуына байланысты

Қазақстан Республикасының Швейцария Конфедерациясындағы Төтенше және Өкілетті Елшісі қызметінен, Женева қаласындағы (Швейцария) Біріккен Ұлттар Ұйымының бөлімшесі мен басқа да халықаралық ұйымдар жанындағы Қазақстан Республикасының Тұрақты өкілі, Қазақстан Республикасының Лихтенштейн Князьдігіндегі, Ватикан Мемлекетіндегі Төтенше және Өкілетті Елшісі міндетін қоса атқарушы қызметінен босатылды, деп хабарлайды ҚазАқпарат ҚР Президентінің баспасөз қызметіне сілтеме жасап.