Абай атындағы опера және балет театрында «Желіккен жесір» опереттасының премьерасы болады

АЛМАТЫ. 1 желтоқсан. ҚазАқпарат -Алматыдағы Абай атындағы Қазақ мемлекеттік академиялық опера және балет театрында  1-2 желтоқсан күндері Ф.Легардың «Желіккен жесір» атты екі бөлімді опереттасының премьерасы болады.

Қоюшы-режиссері - Миклош Синетар (Венгрия, Будапешт) және оның көмекшілері Андраш Ацел (Венгрия, Будапешт) пен  Қайрат Мағауин. Қоюшы-хореографы - Питер Ласло (Венгрия, Будапешт) және оның ассистенті - Эрика Хатсеги  (Венгрия, Будапешт). Қоюшы-суретшісі - Ирина Долгова (Санкт-Петербург), ал қоюшы-дирижері - Ерболат Ахмедьяров. Онда басты партияларды ҚР халық артисі, Мемлекеттік сыйлықтың лауреаты Нұржамал Үсенбаева, ҚР еңбек сіңірген қайраткері Жәмилә Баспақова, Андрей Трегубенко, Мейір Байнешев пен  Бауыржан Есімханов орындамақ.