Абай облысында ТЖМ қызметкерлері өртті сөндірді

АСТАНА. KAZINFORM –   Мақаншы ауданы Мақаншы ауылында жеке тұрғын үйдің ауласында бір шатырдың астындағы гараж, дүкен және шаруашылық құрылысы жанған.

Өрт сөндіру жасақтары оқиға орнына төрт минутта жетті. 

Өрттің кеш хабарлануынан және шатырдың ағаштан жасалуына байланысты өрт өрши түскен.

Құтқарушылар сыйымдылығы 50 литр болатын екі газ баллонын қауіпсіз жерге шығарып, 140 шаршы метр алаңдағы өртті сөндірді.

Зардап шеккендер жоқ, себебі анықталуда. 

Астанада тұрғын үйлердің өртке қарсы қауіпсіздік жүйесін жаңғырту жұмысы жүріп жатқаны туралы жазған едік.