Абай облысында шомылуға рұқсат етілетін су айдындарының тізімі жарияланды
АСТАНА. ҚазАқпарат – Абай облысында биыл шомылуға, саяхаттауға және су спортымен айналысуға арналған жерлердің тізімі жарияланды, деп хабарлайды ҚазАқпарат тілшісі.
«Ашық» НҚА порталында жарияланған құжатта Абай облысының 4 ауданы мен Семей қалысындағы су объектілерінде көпшіліктің демалуына арналған орындардың тізімі жазылған.
Бесқарағай ауданы бойынша:
«Шошқалы» көлі – көпшіліктің демалуы үшін пайдаланылатын жағажай, жүзу аймағының қоршауымен белгіленген шекаралары шегінде.
Бородулиха ауданы бойынша:
Шүлбі су қоймасы – «Жанай» және «Нұрсұлтан» демалыс базалары;
Жерновские көлдері – «Адал компани» демалыс базасы;
Михайловские көлдері – «Кристалл» балалардың сауықтыру лагері;
Арасан көлі – «Жарма Арасан» сауықтыру орталығы.
Жарма ауданы бойынша:
Арасан көлі – «Жарма Арасан» сауықтыру орталығы.
Үржар ауданы бойынша:
Алакөл көлі – көпшіліктің демалуы үшін пайдаланылатын жағажай, жүзу аймағының қоршауымен белгіленген шекаралары шегінде.
Семей қаласы бойынша:
Ертіс өзені – «Саржайлау» демалыс базасы;
Ертіс өзені – «Бобровка» демалыс базасы;
Атауы жоқ көл – «Мақсал» демалыс базасы;
«Колхозное» көлі – «Тополек» шаруа қожалығының жағажайы.
Құжат 26 сәуірге дейін көпшілік талқылауда болады.
