Абай облысында жаңа оқу жылында 4 жаңа мектеп пайдалануға беріледі

СЕМЕЙ. ҚазАқпарат – Абай облысында жаңа оқу жылында 4 жаңа мектеп пайдалануға беріледі, деп хабарлайды ҚазАқпарат тілшісі.

Абай облысы әкімдігінің мәліметіне сүйенсек, бүгінгі таңда өңір бойынша білім беру нысандарының жылу беру маусымына дайындығы 97%-ды құрайды.

«Жаңа оқу жылында 4 жаңа мектеп пайдалануға беріледі. Мектебі жоқ 156 елді мекеннен 3137 оқушы тегін тасымалмен қамтамасыз етіледі. Педагогтердің 85% коронавирусқа қарсы ревакцинациядан өтті. Ревакцинациялау процедуралары 25 тамызға дейін аяқталады», - делінген ақпаратта.

Облыстағы 157 балабақша мен 202 шағын орталық мектеп жасына дейінгі 25 305 баланы қабылдауға дайын.