ABBA тобының пианиносы Sotheby's аукционында $1 млн қойылды
АСТАНА. ҚазАқпарат - Атақты швециялық ABBA тобының пианиносы 29 қыркүйекте өтетін Sotheby's аукционының лоты болмақ, деп хабарлады шетелдік БАҚ.
"Dancing Queen әнінің басындағы фортепьянодағы глиссандо әсері 1970 жылдардан есте қалған әуен. ABBA тобы өз жазбаларында пайдаланған сол аспапты назарларыңызға ұсынып жатқанымызға қуаныштымыз", - деді Sotheby's сарапшысы Филип Эррингтон.
Америкалық джаз пианисі Билл Эванске арнап Георг Болин жасаған пианиноны мамандар $925 тыс. - $1,2 млн бағалады.
Музыкалық аспап ABBA тобының Mamma Mia, Ring Ring, Waterloo және Knowing Me, Knowing You және басқа да хитттерді жазуға қолданылды.
